Bas múftı Oralda Halyqaralyq forýmǵa qatysty (FOTO)
Búgin Qazaqstan musylmandary dinı basqarmasynyń tóraǵasy Serikbaı qajy Oraz Oral qalasynda ótken «Zaıyrly qoǵam: quqyq pen dinniń ózara baılanysy» atty halyqaralyq forýmǵa qatysty.
Forým jumysyn Batys Qazaqstan oblysynyń əkimi Altaı Kólginov ashty. Sondaı-aq, forým jumysyna Ózbekstan musylmandary dinı basqarmasy Halyqaralyq qatynastar bóliminiń basshysy Muhammed-Akmalhan Shəkirov, M.P.Dragonov atyndaǵy Ulttyq pedagogıkalyq ýnıversıtetiniń dotsenti, ǵylym doktory Denıs Brılev, Reseı ıslam ýnıversıtetiniń prorektory Mýrsal Ahmetov, «Nur-Múbərak» ýnıversıtetiniń prorektory Qaırat Qurmanbaev, t.b. ǵalymdar men memlekettik mekeme basshylary, jergilikti din qyzmetkerleri qatysty.
Oblys əkiminen keıin sóz alǵan Bas múftı Serikbaı qajy Oraz:
«Zaıyrlylyq – ər adamnyń násiline qaramastan, ár azamattyń qandaı da bir dinge sený, senbeý máselesine aralaspaıtyn ustanym. Iaǵnı, bul ustanym adamnyń ar-ojdanynyń moraldyq bolmysynyń erkindigine múmkindik beredi. Bul rette memleket azamattardyń arasyndaǵy qarym-qatynasty tek quqyqtyq negizde sheshýdi qamtamasyz etedi. Professor, ǵylym doktory Dosaı Kenjetaıdyń pikirinshe, zaıyrlylyq týraly anyqtamalar kóp. Solardyń biri – barlyq dinderge beıtarap qaraıtyn, dinı basshylyqtan táýelsiz jáne kez-kelgen teologııalyq qaǵıdalar men normalardan azat bolǵan memlekettik ustanym. Osy anyqtama zaıyrly memleketti naqtylaı túsedi. Nege barlyq dinderge beıtarap qaraıdy? Sebebi dinder kóp, al Qudaı túsinigi bir. Adamdardyń Qudaı túsinigi ortaq bolǵanmen olardyń tanymy, senimi, sezimi, qulshylyǵy, onyń myna álemmen qatynasy, ıaǵnı dúnıetanymy, aqyret týraly senimderi de ártúrli. Sondyqtan memleket óziniń azamattarynyń dinı senimderine aralaspaıdy, qurmetteıdi, beıtarap ustanymda bolady», – dedi.
Forýmda sheteldik ǵalymdar baıandama jasap, óz oılary men usynystaryn ortaǵa saldy.
