Bas múftı «Nur Múbárak» ýnıversıtetiniń rektorymen suhbattasty (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly jumys sapary aıasynda Almatydaǵy «Nur Múbárak» ýnıversıtetiniń rektory, professor Mýhammad ásh-Shahhat ál-Jındımen kezdesti.

Kezdesýge QMDB Apparat basshysy Ǵylymbek Májıev, «Nur Múbárak» ýnıversıtetiniń prorektory, dotsent Qaırat Qurmanbaev qatysty.

Basqosýda rektor Mýhammad ásh-Shahhat ál-Jındı Bas múftıge ýnıversıtettiń jumysyn baıandady. QMDB Tóraǵasy Naýryzbaı qajy Taǵanuly sapaly dinı kadr daıarlaýdyń mańyzyn atap ótti.

«Nur Múbárak» dinı kadr daıarlaıtyn irgeli oqý ordamyz bolǵandyqtan, ýnıversıtettiń tynys-tirshiligi men jumysy meniń jiti nazarymda. Jýyrda QMDB «Zeket» qory esebinen 15 stýdentke qosymsha oqý grantyn bóldik. Dinı basqarma «Nur Múbárak» ýnıversıtetiniń quryltaıshysy retinde árqashan qoldaý kórsetý sharalaryn júzege asyra beredi. Alla Taǵala asyl qyzmetterińizge jar bolsyn!» dedi Bas múftı.

​