Bas múftı Mysyr saparynyń qorytyndysy týraly suhbat berdi (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasyna jasaǵan resmı saparynyń qorytyndysy týraly «Halyq arna» men jergilikti memlekettik telearnalarǵa suhbat berdi.

«Mysyr eline jasaǵan saparymda Islam isteri jónindegi Joǵary keńeste baıandama jasadym. Ál-Azhar sheıhy Ahmet Taıyppen kezdestim. Kezdesý qorytyndysy boıynsha Mysyr tarapy qazaqstandyq stýdentterge 50 bilim grantyn bóletin boldy. Ýaqyp mınıstri Muhtar Jumamen birlesken ortaq jobalardy júzege asyrýǵa ýaǵdalastyq. Mysyr múftıi Shaýqı Allammen bolǵan kezdesýde ǵylymı jáne yntymaqtastyq týraly kelisimge qol qoıdyq.

Kaırde dinı bilim alyp jatqan qazaqstandyq stýdentterdi jan-jaqty qoldaý úshin QMDB-nyń Mysyrdaǵy jaýapty ókilin taǵaıyndadym. QMDB «Zeket» qory esebinen «Talaba» stýdentter qaýymdastyǵyna qaıyrymdylyq kómek jasadyq» dep atap ótti suhbatynda Naýryzbaı qajy Taǵanuly.