BAS MÚFTI MUSYLMAN AQSAQALDAR KEŃESINIŃ BAS HATShYSYMEN KEZDESTI
Astanada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Álemdik jáne dástúrli din lıderleri sezi hatshylyǵynyń kezekti otyrysy aıasynda Musylman aqsaqaldar keńesiniń Bas hatshysy Muhammed Ábdel Salammen kezdesti.
Kezdesýde ekijaqty yntymaqtastyqty arttyrýdyń mańyzy sóz boldy. Bas múftı jastardy jat dinı aǵymdardyń yqpalynan saqtap qalý baǵytynda aqsaqaldardyń róli, sonymen qatar QMDB janyndaǵy Aqsaqaldar keńesiniń jumysy jaıly aıryqsha atap ótti. Basqosý barysynda taraptar kitap shyǵarý syndy ortaq jobalardy júzege asyrýǵa ýaǵdalasty.
Aıta keteıik, Musylman aqsaqaldar keńesi – beıbitshilik pen jahandyq dinaralyq dıalogty nyǵaıtý maqsatymen qurylǵan táýelsiz halyqaralyq uıym. Keńestiń fılıaldary buǵan deıin Shveıtsarııa, Mysyr, Marokko jáne elimizde ashylǵan.
