BAS MÚFTI «MÚFTIIaT ÚZDIGI – 2023» MARAPATTAÝ ShARASYNA QATYSTY (FOTO)

Qazaqstan musylmandary dinı basqarmasynyń qorytyndy Tóralqa májilisi barysynda «Múftııat úzdigi – 2023» nomınatsııasymen marapattaý rásimi ótti. Saltanatty sharaǵa Bas múftı Naýryzbaı qajy Taǵanuly arnaıy qatysyp, nomınatsııa ıegerlerin marapattady.

«Biz bıyl da din qyzmetiniń úzdikterin marapattaý sharasyn arnaıy osy Tóralqa májilisiniń kún tártibine engizip otyrmyz. Árıne, bárimiz Alla úshin qyzmet etemiz. Eńbektiń eskerilgeni de jaqsy. Bul marapat din qyzmetkerlerine erekshe kúsh pen jiger syılaıdy dep esepteımin. Allaǵa shúkir, dinı qyzmet aıasynda jarııalaǵan «Islam jáne izgi qoǵam» jylynda siz bolyp, biz bolyp, aýqymdy sharalardy birge atqardyq

Biz osy rette asyl dinimizdiń abyroıyn asqaqtatý, QMDB bekitken baǵyttar boıynsha jumystanyp, úzdik nátıjeler kórsetkendigi, árdaıym saýapty isterge belsendi atsalysqandyǵy, halqymyzdyń yntymaq-birligin nyǵaıtýǵa sebepker bolyp, qaıyrymdylyq is-sharalarǵa demeýshilik jasaǵany, qoldaý kórsetkeni, rýhanııat pen ıhsan iliminiń halyqtyń arasynda keńinen taralýyna yqpal etkendigi, bilimge degen qushtarlyǵy men yqylasyn kórsetip, jyl qorytyndysy boıynsha eń úzdik nátıjeler kórsetkendigi, qoǵamdy izgilendirýge súbeli úles qosyp, jalpy halyq arasynda Qazaqstan musylmandary dinı basqarmasynyń oń ımıdjin nyǵaıtýǵa qosqan úlesi úshin birneshe qyzmetkerimizdi arnaıy marapattap otyrmyz» dedi QMDB Tóraǵasy. 

Saltanatty sharada 31 nomınatsııa boıynsha úzdikter marapattaldy. Atap aıtqanda:

1. «Úzdik Call ortalyq qyzmetkeri» – Rashıd Alpysbaev (Astana qalasy)      

2. «Úzdik ustaz» – Rústem Dáýletov (Pavlodar oblysy)  

3. «Úzdik ustaz» – Baqytgúl Aıtqalıqyzy (Qaraǵandy oblysy)

4. «Úzdik medrese ustazy» – Jeksenbaı Jumadilláuly (Aqtóbe oblysy)

5. «Úzdik Munara stýdııasy» – «AsylDIN» stýdııasy (Jambyl oblysy)

6. «Úzdik aýyl meshiti» – «Kemertoǵan» meshiti (Almaty oblysy)

7. «Úzdik aýdan meshiti» – «Qunanbaı qajy» meshiti (Qaraǵandy oblysy)

8. «Úzdik qala meshiti» – «Nur» meshiti (Qyzylorda oblysy)          

9. «Úzdik qajylyq gıdi» – Rashıd Meıimbekuly (Abaı oblysy)

10. «Úzdik Qamqor Sharapat ortalyǵy» – Talǵat  Daırabaıuly (Almaty qalasy)      

 

11. «Úzdik meshit azanshysy» – Alı Qazaq (Mańǵystaý oblysy)     

12. «Úzdik naıb ımam» – Ǵalymbek Tólegenuly (Jambyl oblysy)

13. «Úzdik aýyl ımamy» – Qurash Zıneluly (Atyraý oblysy)

14. «Úzdik aýdan ımamy» – Esenbolat Qadyruly (BQO)

15. «Úzdik qala ımamy» – Shoqan Ǵazızuly (Qostanaı oblysy)   

16. «Úzdik dinı saıt» – «Mazhab.kz» saıtynyń ujymy (Pavlodar oblysy) 

17. «Úzdik áleýmettik jelidegi paraqsha» – @aziretsultanmosque paraqshasy (Astana qalasy)   

18. «Úzdik zeket qyzmetkeri» – Qasymhan Abdollauly (SQO)   

19. «Ýaqyp úzdigi» – Berik Kádiruly (ShQO) 

20. «Úzdik ońaltýshy» – Tımýr Alıev (Almaty qalasy)   

 

21. «Úzdik halal kásiporyn» – «Shamahsýtov» kásiporny (Jambyl oblysy) 

22. «Úzdik qaıyrymdylyq mekemesi» – «Ás-Sálám» qaıyrymdylyq mekemesi (Aqtóbe oblysy) 

23. «Úzdik qarılar ortalyǵy» – «Yqylas» qarılar daıyndaý ortalyǵy (Shymkent qalasy)

24. «Úzdik medrese» – «Astana» medresesi (Astana qalasy)

25. «Úzdik meshit tazalyqshysy» – Amangeldi Aıtmaǵambetov (Aqmola oblysy)      

26. «Úzdik esepshi» – Gaýhar Jumaǵalıqyzy (Pavlodar oblysy)  

27. «Úzdik ardager ımam» – Teńel Aıdarbekuly (Atyraý oblysy)   

28. «Jyl ýaǵyzshysy» – Arman Qýanyshbaev (Túrkistan oblysy)  

29. «Úzdik múftııat qyzmetkeri» – Hasan Amanqul (QMDB)

30. «Bes baǵyt úzdigi» – Qaraǵandy oblystyq ókildigi       

31. «Úzdik ókildik» – Almaty qalalyq ókildigi.

Barlyq nomınatsııa ıegerlerin, din qyzmetkerleri men meshit-medrese ujymdaryn úzdik atanýymen shyn júrekten quttyqtap, eńbekterine jemis, otbasylaryna amandyq tileımiz!