BAS MÚFTI MITROPOLIT ALEKSANDRMEN KEZDESTI (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordadaǵy Respýblıkalyq bas meshitte elimizdegi Orys pravoslavıe shirkeýiniń Qazaqstan jáne Astana mıtropolıti Aleksandrdy qabyldady.

Kezdesýde din basshylary elimizde qalyptasqan dinaralyq tatýlyq pen kelisim, ultaralyq dostyq pen birlikti nyǵaıtýdyń mańyzy týraly áńgimelesti. Sonymen qatar taraptar adamgershilik qundylyqtardy nasıhattaý jaıly pikirlerin ortaǵa saldy. Álemdik jáne dástúrli dinder lıderleriniń Sezi de tilge tıek etildi.

«Búginde halyqty izgilik pen birlikke, adamgershilik pen jaqsylyqqa shaqyrý mańyzdy istiń birine aınaldy. Bul baǵytta din ókilderi de úlken is-sharalardy júzege asyrýda. Óıtkeni qoǵamnyń tynyshtyǵy men turaqtylyǵyna úles qosý – barshamyzdyń asyl boryshymyz» dedi Bas múftı Naýryzbaı qajy Taǵanuly.

Óz kezeginde mıtropolıt Aleksandr Respýblıkalyq bas meshittiń aıryqsha sáýletine tańdanysyn bildirdi. Sondaı-aq ol Qazaqstan musylmandary dinı basqarmasynyń resmı saıtyn udaıy qarap, elimizdegi Islam dinine qatysty jańalyqtardan habardar bolyp otyratynyn jetkizdi.

Suhbat sońynda QMDB Tóraǵasy Naýryzbaı qajy Taǵanuly Bas meshitke qonaq bolyp kelgen mıtropolıt Aleksandrǵa rızashylyq bildirdi.

​