Bas múftı mektep muǵalimine baspana kiltin tabystady (FOTO+VIDEO)

Búgin QMDB tóraǵasy, Bas múftı Naýryzbaı qajy Taǵanuly Elorda irgesindegi Qoıandy aýylynyń turǵyny Maıa Tsoponqyzyna úsh bólmeli úıdiń kiltin tabystady. Tórt jyldan beri 40 tonnalyq temir konteınerdi panalap kelgen mektep muǵalimi úshin búginnen bastap baqytty kúnderdiń esigi aıqara ashylǵandaı. QMDB «Zeket» qorynyń «El úlesi – páterge» jobasy aıasynda Nur-Sultan ókildiginiń uıytqy bolýymen 279-baspana kilti – Maıa Tsoponqyzyna tól merekesinde jasalǵan teńdessiz syılyq boldy.

Osydan tórt jyl buryn jubaıy Ásker Kalemhanuly basynan jaraqat alyp, eńbekke jaramsyz bolyp qalǵaly taǵdyr taýqymeti tıtyqtatqan sharasyz otbasy temir konteınerdi panalap kelgen bolatyn. Syrqat kúıeýi men eki balasyn asyraý ońaıǵa soqpasa da, Maıa Tsoponqyzy Qoıandy mektebindegi ustazdyq qyzmetinen qol úzbegen. Qıyndyqpen jalǵyz alysqan qaısar janǵa qurmet retinde merekelik shara Ustazdar kúnine oraılastyrylyp, Kalemhanovtar otbasy úshin tosyn syı jasaldy

Igilikti sharaǵa belgili telejúrgizýshi, senator Dana Nurjigitqyzy arnaıy qatysyp, mektep muǵaliminiń qýanyshymen bólisip qaıtty. Jańa baspanada jaıylǵan dastarhan basynda izgi tilekter aıtylyp, qazaqy dástúrge saı jańa shańyraqqa qajetti syılyqtar tartý etildi. Igi sharaǵa demeýshilik tanytyp, sútteı uıyǵan bir otbasynyń baqytty bolýyna septikterin tıgizgen Erlik Ómirǵalı bastaǵan el aǵalary da qýanyshtyń basynan tabylyp, izgi tilekterin bildirdi.

Sýretter toptamasyn «FOTOGAEREIa» aıdarynan kóre alasyzdar!