Bas múftı Mańǵystaýda jańa meshittiń ashylýyna qatysty (FOTO)

Mańǵystaý oblysy Mańǵystaý aýdany Ondy aýylynda jańa meshit ashyldy. Atalmysh aýylda jazýshy, dramatýrg Ábish Kekilbaıuly dúnıege kelgen.

Allanyń jerdegi úıi meshit qurylysyna oblys ákimi Serikbaı Ótelgenuly bas bolyp, kásipker azamattardyń qoldaýymen qurylysy bitti. Meshittiń ashylý rásimi jazýshy Ábish Kekilbaıuylynyń 80 jyldyq mereıtoıy qarsańynda ótti.

Meshittiń ashylý rásimine Qazaqstan Respýblıkasy Premer mınıstr orynbasary Berdibek Saparbaev pen Bas múftı Serikbaı qajy Oraz qatysty. Sonymen qatar Nur-Sultan qalasynan kelgen bir top zııaly qaýym ókilderi men aýdan, aýyl turǵyndary qatysty. Bas múftı Serikbaı qajy Oraz Quran oqyp, duǵa jasady. Premer mınıstr orynbasary B.Saparbaev quttyqtaý sóz sóılep, halyqqa ıgi tilegin arnady.

Bas múftı Serikbaı qajy Oraz Mańǵystaý oblysynda osymen 35-shi meshit esigin aıqara ashqanyn atap ótti. Meshit ımamyn jurtshylyqqa tanystyryp, qasıetti Qurandy syıǵa tartý etti.

Meshitke kirgen qonaqtar áýeli eki rákat nápil namaz oqyp, artynan Bas múftı Quran oqyp, duǵa etti.