Bas múftı Kýveıt elshisin qabyldady (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz Astanada Kýveıt memleketiniń elimizdegi Tótenshe jəne Ókiletti elshisi Tareq Abdýlla əl-Faradj myrzamen kezdesti.  Kezdesýde Qazaqstan men Kýveıt arasyndaǵy rýhanııat, mədenıet, ǵylym men bilim salasy boıynsha baılanystar sóz boldy.

Mərtebeli meıman resmı kezdesýge múmkindik jasaǵan Bas múftıge alǵysyn bildirdi. Óz kezeginde Tareq Abdýlla əl-Faradj  Qazaqstanda qalyptasqan dinaralyq, ultaralyq kelisim men dıalogtyń jańa múmkindikterin aıryqsha atap ótti. Sonymen qatar, Qazaqstan musylmandary dinı basqarmasynyń bilim men ǵylym salasy boıynsha bastamalaryna Kýveıt tarapynan qashan da qoldaý bolatynyn jetkizdi.

Bas múftı basqosý barysynda qazaq topyraǵynan shyqqan din ǵulamalary jaıly, təýelsizdik jyldarynda salynǵan meshitter men medreseler týraly əńgimelep berdi.

Kezdesý sońynda taraptar ortaq jobalardy birlese júzege asyrýǵa ýaǵdalasty.