Bas múftı halal salasy boıynsha jańa jobamen tanysty (foto)

Qazaqstan musylmandary dinı basqarmasynyń tóraǵasy Serikbaı qajy Oraz Astana qalasynda Reseıdiń HalalGuide joba jetekshisi Aırat Kasımov myrzany qabyldady.

Reseıden kelgen ǵalym Bas múftıge halyqaralyq halal standarttaý salasy boıynsha jańa jobalarmen tanystyrdy.

Kezdesýde Serikbaı Satybaldyuly múftııat bul salaǵa asa kóńil bólip otyrǵanyn jetkizdi. Bul baǵytta múftııat mamandary halal standart boıynsha Malaızııa, Túrkııa syndy jetekshi eldermen tájirıbe almasyp, belsendi qyzmet etip jatqanyn baıandady.

Resmı qabyldaýda Aırat Kasımov Qazaqstan musylmandary dinı basqarmasymen ózara yntymaqtastyq kelisim aıasynda bul salany birlese damytýǵa múddeli ekenin jetkizdi.

Kezdesýde taraptar ekijaqty birikken jobalardy júzege asyrýǵa ýaǵdalasty.