Bas múftı «Habar 24» arnasyna suhbat berdi (VIDEO)

Qazaqstan musylmandary dinı basqarmasynyń tóraǵasy Serikbaı qajy Oraz Habar 24 arnasyna suhbat berdi.

Suhbat barysynda Bas múftı:

«Ǵulamalar jaqsy qoǵam qurýdyń tórt negizin ataǵan. Birinshi – ǵalymnyń bilimi, ekinshi – patshanyń keńdigi men ádildigi, úshinshi – baı-dáýletti adamnyń jomarttyǵy, tórtinshi – buqara halyqtyń duǵa-tilegi.

Demek, ǵalym bilimin qoǵamǵa jaıyp, jastardy ǵylymǵa úıretse, patsha halyqqa keńshilik jasap, qoǵamda ádildik ornatsa, baı kisi qolyndaǵy baılyǵymen bólisip, jomarttyq jasasa, al halyq duǵagóıligin tanytsa, sonda ol qaýymnyń berekesi artyp, birligi jarasady.

Osy qundylyqtar úılesimin tapqan kezde ǵana jaqsylyqtardyń esigi ashylady. Bul tórt negiz – myǵym tórt taǵan ispetti. Eger, biri buzylsa, qalǵan úsheýi álsireıdi», – dep atap ótti.