Bas múftı Kaırde birqatar ekijaqty kezdesýler ótkizdi (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasynyń astanasy Kaır qalasynda ótken Islam isteri jónindegi Joǵary keńestiń kezekti halyqaralyq konferentsııasy aıasynda Saýd Arabııa Koroldiginiń Shýra keńesiniń múshesi Házza ál-Káhtanımen kezdesti.

Kezdesýde Islam isteri jónindegi Joǵary keńestiń uıymdastyrýymen ótken «Dinder men mádenıetter arasyndaǵy dıalog» atty halyqaralyq konferentsııada kóterilgen máseleler talqyndy.

Taraptar dinı tatýlyq pen kelisimdi nyǵaıtýdyń mańyzdylyǵy jaıynda pikir almasyp, osy baǵytta ortaq jobalardy júzege asyrý qajettigin atap ótti.

​