Bas múftı Izraıl elshisimen kezdesti (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Izraıl memleketiniń Tótenshe jáne Ókiletti Elshisi Lıat Vekselman hanymmen kezdesti.

Kezdesýde dinaralyq tatýlyq pen kelisimdi nyǵaıtýdyń mańyzy, qoǵamda meıirimdilik pen beıbitshilik qundylyqtaryn nasıhattaý, adamdar arasynda ózara syılystyq pen kelisim, dostyq pen qurmetti arttyrýdyń máni, t.b. máseleler talqylandy.

Naýryzbaı qajy Taǵanulyn Bas múftı laýazymyna saılanýymen quttyqtaǵan Lıat Vekselman hanym óziniń tileýlestik nıetin bildirip, áriptestik qarym-qatynasty arttyrýǵa múddeli ekenin jetkizdi. Sonymen qatar Bas múftıdi Izraıl memleketine resmı saparmen barýǵa usynys bildirdi.