BAS MÚFTI «ISLAM JÁNE DÁSTÚR QUNDYLYǴY» IS-ShARASYNA QATYSTY (FOTO)

12 aqpan 2024 769 0
Оqý rejımi

Búgin elordada QMDB Áıel-qyzdar sektorynyń uıymdastyrýymen «Islam jáne dástúr qundylyǵy» taqyrybynda qyz-kelinshekterge arnalǵan is-shara ótti. Aýqymdy sharaǵa Bas múftı Naýryzbaı qajy Taǵanuly arnaıy qatysyp, alǵysóz sóıledi.

«Ózderińiz bilesizder, qazirgi tańda qoǵamda, áleýmettik jelilerde din taqyryby jıi qozǵalatyn boldy. Ásirese áleýmettik jelilerde óz betinshe pátýa berip, halyqtyń narazylyǵyn týdyratyn jaǵdaılar jıiledi. Mundaı qubylystar eldegi dinı ahýalǵa teris áserin tıgizetini anyq. Sondyqtan bul baǵytta de belsendi jumys atqarýymyz kerek. Áleýmettik jeliler qoldanýshylarynyń basym bóligi – áıelder qaýymy. Sondyqtan meniń tapsyrmama saı múftııat janyndaǵy Áıel-qyzdar sektory belsendi jumys tártibine kóshti. Búgingi ótip jatqan is-sharamyz da Áıel-qyzdar sektorynyń baıandy bastamasy dep bilemiz. Alla Taǵala basqosýymyzdy berekeli etsin!

Áıel-qyzdar sektory byltyr 2023 jyly belsendi jumys atqardy. Respýblıka boıynsha meshitter janyndaǵy dinı saýat ashý kýrstaryna qatysyp, ýaǵyz-nasıhat jumystary júrgizilip, semınarlar, bilim saıysy, qaıyrymdylyq sharalar, mádenı shara, sheberlik saǵattary jáne túrli sporttyq sharalar sekildi qoǵamdyq-mádenı baǵyttarda da jalpy sany 10 986 shara atqarylyp, 408 828 adam qamtyldy. 

Osy isterdiń bárinde áıel jamaǵatynyń úlken úlesi bar. Bıyl da sektor jumysy jandana túsedi dep bilemiz. Bárimiz de – qoǵamnyń bir bólshegimiz. Sol sebepti qoǵamda bolyp jatqan jaqsyly-jamandy oqıǵalardyń bári bizge oń jáne teris áserin tıgizedi. Sondyqtan qoǵamdaǵy teris áreketterdi bárimiz birigip túzetýimiz qajet» dedi QMDB Tóraǵasy. 

Aıta keteıik, is-sharada Islamdaǵy áıel mártebesi týraly nasıhat aıtylyp, ulttyq dástúrimizdi jańǵyrtý maqsatynda besikke salý, atastyrý, qursaq shashý syndy salt-joralǵylary kórinis tapqan qoıylymdar kórermen nazaryna usynyldy. Sondaı-aq jınalǵan ájeler, analar, qyz-kelinshekter arasynda «Qandaı dástúr?» suraq-jaýap vıktorınasy oınatylyp, umyt bolyp bara jatqan salt-dástúrlerimizdi eske túsirdi.

Derekkóz: QMDB Baspasóz qyzmeti 

Pіkіrler Kіrý