BAS MÚFTI ERIKTILER MEN QASAPShYLARǴA NASIHAT AITTY

Búgin Qazaqstan musylmandary dinı basqarmasynyń tóraǵasy Astana qalasyndaǵy bazarlardy aralap, múftııat janyndaǵy «Zeket jáne qaıyrymdylyq» qorynyń eriktileri men «Halal damý» standarttaý jáne sertıfıkattaý ortalyǵynyń qasapshylarymen kezdesti.

«Alla Taǵala siz ben bizge qasıetti ispen shuǵyldaný nyǵmetin násip etti. Bul – saýaby men jaýapkershiligi mol is. Alla qalasa bir kúnnen keıin keletin Qurban aıt merekesinde belsendi qyzmet kórsetip, halqymyzdyń júregine qýanysh uıalatýǵa bar kúsh-jigerimizdi jumsaıyq. Qurban shalý, onyń etin muqtaj jandarǵa taratý – paıǵambarlardan jalǵasyp kele jatqan asyl is. Barshańyzdy belsendi qyzmet kórsetýde yjdaǵatty bolýǵa shaqyramyn» dedi Naýryzbaı qajy Taǵanuly.