Bas múftı elshimen birqatar jobalardy talqylady (FOTO)

Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Birikken Arab Ámirlikteriniń elimizdegi Tótenshe jáne Ókiletti Elshisi Muhammed Ahmed ál-Jaber myrzamen kezdesti.

Kezdesýde qaıyrymdylyq, aǵartýshylyq baǵyttar boıynsha birqatar jobalardyń jospary talqylandy. Bas múftı Dinı basqarmanyń ıgi bastamalaryna qoldaý kórsetip kele jatqan dıplomatqa alǵysyn bildirdi.

«Alla Taǵala qasıetti Quranda bir-birimizge jaqsy isterde járdemshi bolýdy buıyrdy. Qazaqstan musylmandary dinı basqarmasynyń jumysyna qoldaý kórsetip kele jatqan Sizge, elshilik ujymyna óz atymnan aıryqsha alǵysym men rııasyz rızashylyǵymdy bildiremin. Alla razy bolsyn! Qazaqstan men Birikken Arab Ámirlikteri arasyndaǵy baýyrlastyq baılanystyń artýyna yqpal etip jatqan Siz basqaratyn elshiliktiń jumysyna Alladan bereket tileımin», – dep atap ótti Naýryzbaı qajy Taǵanuly.

Kezdesý sońynda taraptar ıgi jobalardy birlese júzege asyrýǵa ýaǵdalasty.