Bas múftı elshige kóńil aıtty

Bas múftı Serikbaı qajy Oraz Qazaqstan Respýblıkasynyń Egıpet Arab Respýblıkasyndaǵy Tótenshe jáne Ókiletti Elshisi Arman Isaǵalıevke elshilik qyzmetkeri Elaman Qulnııazulynyń qaıtys bolýyna baılanysty kóńil aıtý jedelhatyn joldady.

«Elimizdiń Egıpet Arab Respýblıkasyndaǵy elshiliginiń beldi qyzmetkeri, asyl dinimiz ben dástúrimizdiń janashyry Elaman Qulnııazulynyń qaıtys bolǵany týraly qaraly habardy aýyr kúızelispen qabyldadym.
Siz basqaryp otyrǵan elshiliktiń barsha ujymyna, sonymen qatar marqumnyń otbasy men týystaryna ózimniń jáne Qazaqstan musylmandary dinı basqarmasy atynan kóńil aıtamyn. Din qyzmetkerleri qaıǵyly oqıǵaǵa baılanysty duǵa-tilekterin joldaýda.

Elamannyń elimizdiń ıgiligi jolynda atqarǵan qyzmeti barsha dıplomattar men jastarǵa úlgi-ónege bolary sózsiz.

Alla Taǵala qaıǵynyń artyn qaıyrly etkeı. Onyń otbasyna, aǵaıyn-jurtyna Jaratqannan kórkem sabyr tileımiz. Imandy bolsyn!», delingen Bas múftıdiń kóńil aıtý jedelhatynda.