Bas múftı: Elimizdiń ár jetistiginde Elbasynyń qoltańbasy jatyr
Qazaqstan musylmandary dinı basqarmasynyń tóraǵasy Serikbaı qajy Oraz Nursultan Nazarbaevtyń prezıdenttik ókilettigin toqtatý týraly sheshimine qatysty pikir bildirdi.
"Təýelsiz Qazaqstannyń ərbir jetken jetistiginde, baǵyndyrǵan belesinde Tuńǵysh Prezıdentimiz - Nursultan Nazarbaevtyń qoltańbasy jatyr. 100-den astam ult pen ulysty bir shańyraqtyń astyna toptastyra bilgen Elbasynyń eren eńbegi tarıhta məńgi qala bermek. N.Nazarbaev təýelsizdik jyldarynda dinı senimi men ustanymy bir arnaǵa toǵysa bermeıtin əlemdik dəstúrli din kóshbasshylarynyń basyn Astanada qosyp, din qaıratkerlerin ortaq maqsatqa úndedi. Elordada ər úsh jyl saıyn ótetin Əlemdik jəne dəstúrli din lıderleriniń sezi jer júzindegi dini men tili, ulty men ulysy ərtúrli kúlli adamzat balasyn birlik pen beıbitshilikke, ymyra men yntymaqqa uıystyrar biregeı ıgi jobaǵa aınaldy. Osylaısha, Astana beıbitshiliktiń altyn besigine aınaldy.
Nursultan Əbishuly əlemge tatýlyq pen dostyqty, turaqtylyq pen toleranttylyqty jaqtaıtyn kóshbasshy, tulǵa retinde tanyldy. Ol keshegi han-sultandarymyzdyń armanyn oryndap, jańa Qazaq memleketiniń irgetasyn qalady. Memleketti basqarýda ult birligin, din birligin birinshi orynǵa qoıyp, dostyq pen kelisimniń úzdik úlgisin qalyptastyra bildi. Osynaý sarabdal saıasattyń arqasynda bizdiń elimizde tynyshtyq pen turaqtylyq saltanat qurdy.
Musylman qaýymynyń ulyq meıramy - Qurban aıt demalys kúni bolyp jarııalandy. Musylman jamaǵaty memlekettiń bul qamqorlyǵyna árqashan dən rıza. Biz, Islam dininiń qyzmetkerleri memlekettiń tutastyǵy men ıgiligi úshin qashan da duǵa-tilektemiz.
Asyl dinimizdiń janashyry Nursultan Nazarbaev prezıdenttik ókilettigin toqtatý týraly sheshimin jarııalaýdan bir kún buryn Astanada Ortalyq Azııa men TMD elderi boıynsha teńdesi joq, bir mezette 30 myń adam qulshylyǵyn óteı alatyn zəýlim meshittiń irgetasyn qalady. Osy tarıhı sharadan keıin Elbasy Qazaqstan musylmandary dinı basqarmasynyń jańa ǵımaratyn aralap, din qyzmetkerlerimen suhbattasty. Múftııattyń jumysyna səttilik tilep, ıgi bastamalarymyzǵa batasyn berdi. Bul - Ult lıderiniń Islam dini men elimizdegi 70 paıyzdan astam musylman jamaǵatynyń qarashańyraǵy - Qazaqstan musylmandary dinı basqarmasyna jasaǵan qamqorlyǵynyń jarqyn kórinisi dep atar edim. Elimizdiń, dinimizdiń damýyna ólsheýsiz úles qosqan Elbasyna shynaıy alǵysymyz ben rızashylyǵymyzdy bildiremiz. Ol kisige Alla razy bolsyn!
Eldi basqarý tizginin qolǵa alǵan Qasym-Jomart Kemelulynyń tarıhı jumysyna bereke tileımiz.
Alla Taǵala el irgesin berik etkeı. Halqymyz aman, jurtymyz tynysh bolǵaı! Əmın!" - dep atap ótti Bas múftı Serikbaı qajy Oraz.
