Bas múftı el musylmandaryn eń keminde 100 ıstıǵfar men salaýat aıtýǵa úndedi (VIDEO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly elimizdegi tótenshe jaǵdaıǵa baılanysty barsha musylman qaýymyn Allaǵa duǵa etip, eń keminde 100 ıstıǵfar jáne ardaqty Paıǵambarymyzǵa (oǵan Allanyń salaýaty men sálemi bolsyn) salaýat aıtýǵa shaqyryp, arnaıy Úndeý joldady.

«Barsha jamaǵatty osy úndeýdi qoldap, elimizdiń amandyǵyn surap, juqpaly dertten tezirek aıyǵý úshin 3 sáýir juma kúni, besin namazynan keıin «100 ıstıǵfar jáne 100 salaýat» nemese odan da kóbirek aıtyp, duǵa jasaýǵa shaqyramyz. Jaratqan Alla halqymyzǵa amandyq bersin, naýqas jandardyń tezirek aıyǵyp ketýin jáne meshitterimizge qaıta qaýyshýdy násip etsin. Ámın!» delingen Bas múftı Naýryzbaı qajy Taǵanulynyń el musylmandaryna joldaǵan Úndeýinde. 

1. Istıǵfar
Aıtylýy:  أسْتَغْفِرُ اللهَ العَظِيمَ وَأتُوبُ إلَيهِ
Oqylýy: «Astaǵfırýllah ál-azım ýá átýbý ıláıh».
Maǵynasy: «Uly Alladan kúnálaryma keshirim suraımyn jáne Oǵan táýbe etemin».

2. Salaýat
Aıtylýy: أللهُمَّ صَلِّ علىَ مُحَمَّدٍ وَ علَى آلِ مُحمدٍ
Oqylýy: «Allahýmma sallı ala Mýhammádın ýá ala áálı Mýhammád».
Maǵynasy: «Ýa, Alla! Muhammedke jáne onyń áýletine salaýat joldaı gór».