Bas múftı el amandyǵy úshin qurban shalyp, duǵa tiledi (FOTO)

QMDB Tóraǵasy, Bas múftı Naýryzbaı qajy Taǵanuly keshe onlaın jıyn ótkizip, óńirdiń bas ımamdaryna sanıtarlyq talaptardy qatań saqtaýdy, halyqqa psıhologııalyq qoldaý bildirip, kóbirek ıstıǵfar, salaýat aıtý jáne sadaqa nıetimen qurbandyq shalýdy uıymdastyrýdy tapsyrǵan bolatyn.

Osyǵan oraı Bas múftı búgin elordadaǵy «Áziret Sultan» meshiti aýlasynda qurban shalyp, el amandyǵy úshin Jaratqannan duǵa tiledi.

«El basyna qıyndyq týǵan osyndaı almaǵaıyp sátterde babalarymyz qurban shalyp, Alladan medet suraǵan. Qazirgi ýaqytta juqpaly aýrýdyń keńinen taraýy elimizdi, jurtymyzdy sarsańǵa saldy. Qanshama el azamattary aýyryp jatyr, dúnıe salyp jatqandary da bar. Mundaı qıyn kezeńde qurban shalyp, kóbirek ıstıǵfar, salaýat aıtyp Jaratqannan medet, shıpa suraýymyz qajet», - dep atap ótti Bas múftı.

Naýryzbaı qajy Taǵanuly elimizdiń barlyq meshitinde osyndaı qurban shalý sharalary ótkizilip, indettiń beti beri qaraýy úshin Alla Taǵaladan kóbirek duǵa tileýge shaqyrdy.