Bas múftı delegatsııa basshylaryna QMDB ǵımaratyn tanystyrdy (FOTO+VIDEO)

Búgin Nur-Sultan qalasyndaǵy QMDB jańa ǵımaratynda IV Halyqaralyq dinı-ǵylymı konferentsııa delegattarynyń qatysýymen merekelik shara bolyp ótti. Elorda tórinde kórshiles memleket múftıleri men din qaıratkerleriniń basyn qosqan «Rýhanı Jibek joly. Islam jáne jastar: qazirgi zamannyń syn-qaterleri» atty halyqaralyq konferentsııa aıasynda búgin Qazaqstan musylmandary dinı basqarmasynyń jańa ǵımaratymen tanystyrý rásimi ótip, sheteldik qonaqtarǵa qazaqy salt-dástúrimiz, ulttyq qundylyqtarymyz pash etildi.

Qaz-qatar qazaq úı tigilip, kúmbirlegen kúı, taǵylymdy terme úni terbetken QMDB ǵımaratynyń aýlasynda búgin qýanyshtyń qazany burqyldap, yntymaq-birliktiń týy jelbiredi. Saltanatty sharanyń shymyldyǵyn túrgen QMDB tóraǵasy, Bas múftı Serikbaı qajy Oraz Halyqaralyq konferentsııa mańyzyn, búgingi kúnniń aıryqsha qýanyshyn atap ótip, barsha qonaqtarǵa aq tilegin jetkizdi. 

IV Halyqaralyq konferentsııa jumysyna arnaıy kelgen Reseı musylmandary dinı basqarmasy jəne Reseı múftıler keńesi tóraǵasynyń birinshi orynbasary Rýshan haziret Abbıasov, Ózbekstan múftıi Ýsmonhan Alımov, Mońǵolııa múftıi Batyrbek Hadıs, Qytaı Islam assotsıatsııasynyń tóraǵasy Hasan Iang Famıng, t.b. Islam áleminiń bedeldi tulǵalary quttyqtaý lebizderin aıtyp, QMDB jumysyna sáttilik tiledi.

Jamaǵat aldynda júrekjardy tilekterin jetkizgen qonaqtar lebizinen soń Bas múftı Serikbaı qajy Oraz jaqynda ǵana ashylǵan ǵımarat ishin tanystyryp, jalpy jumys barysynan habardar etti. Arnaıy tanystyrý rásiminen soń qonaqtar ǵımarat aýlasyndaǵy qazaq úılerge bas suǵyp, qazaq halqynyń qonaqjaılyǵyna kýá boldy.

Sýretter toptamasyn «FOTOGALEREIa» aıdarynan kóre alasyzdar!