BAS MÚFTI BOZDAQTARǴA QURAN BAǴYShTAP, DUǴA JASADY

Búgin, qasıetti jumada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly respýblıkalyq Bas meshitte saıası qýǵyn-súrgin jáne asharshylyq qurbandaryna qasıettti Quran aıattaryn baǵyshtap, arnaıy duǵa jasady.  

Bas meshittegi juma namazynan keıin QMDB Tóraǵasy: «Ýa, álemderdiń Rabbysy, Jaratýshymyz Alla Taǵala! Osy oqylǵan qasıetti Qurannyń saýabyn áýelden ardaqty Paıǵambarymyz Muhammed Mustafanyń ǵazız rýhyna, Onyń otbasy men sahabalaryna, asyl ata-babalarymyzǵa baǵyshtaımyz! Keshegi zulmat zamanda, náýbet kúnderde jazyqsyz ketken, qurban bolǵan babalarymyzdyń rýhyna baǵyshtaımyz! Ýa, Alla! Olardy Óz raqymyńa alyp, Paıǵambarymyzdyń shapaǵatynda bolýyn jazǵaısyń! Qudaı Taǵala endi bizdiń ultymyzdyń, halqymyzdyń bolashaǵyn ondaı náýbetten saqtaǵaısyń! Elimizdegi árbir otbasyǵa bereke-birligińdi darytyp, rızyq-nesibelerin molaıta gór! Elimizdiń eńsesi bıik, tuǵyryn joǵary etip, halqymyzdy jamanshylyq ataýlydan, tabıǵı apattardan, túrli indetterden óziń saqtaı gór! Ámın!» dep duǵa jasady.

​