Bas múftı Berlınde halyqaralyq musylmandar forýmyna qatysýda (FOTO)
Búgin Bas múftı Serikbaı qajy Satybaldyuly bastaǵan delegatsııa Germanııa astanasy Berlın qalasynda bastalǵan XV Halyqaralyq musylmandar forýmyna qatysýda. Delegatsııa quramynda QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanuly da bar.
«Postsekýlıarlyq álem jaǵdaıyndaǵy dinaralyq dıalog – ózara yqpaldasýdyń tuǵyrnamasyn izdeý» atty taqyrypty arqaý etken halyqaralyq forýmǵa Reseı Federatsııasy musylmandary dinı basqarmasy jáne Múftıler keńesiniń tóraǵasy, sheıh Ravıl Gaınýtdın, Túrkııa Din isteri basqarmasynyń tóraǵasy, doktor Álı Erbash, t.b. halyqaralyq dinı uıymdar men din salasyndaǵy memlekettik mekemelerdiń basshylary qatysýda.
Halyqaralyq forýmnyń ashylý saltanatynda baıandama jasaǵan Bas múftı Serikbaı qajy Oraz: «Din – adam balasynyń rýhanı turǵydan kúızeliske ushyraý kezinde árqashan kómekke keletin qýatty kúsh. Islam – barsha musylman úmbetiniń rýhanı tiregi. Alaıda álemdik aqparat quraldarynda Islamdy kemsitý úrdisi jıi kezdesedi. Bul másele búginde barlyq dinge qatysty bolyp tur. Aqıqatynda bir-birimen jaýlasatyn din emes – adamdar. Bul rette ár adam din týraly kózqarasyn túzeýi tıis. Osy rette dinder kóshbasshylarynyń onlaın forýmyn ótkizýdi usynamyn. Jelilik resýrstar qoǵamǵa izgilikti nasıhattaýdyń ornyna adam sanasyn teris arnaǵa burýǵa umtylyp jatqan qazirgi jaǵdaıda bul ıgi bastama musylman qaýymyn jaqsylyqqa úndeıtin bolady», – dep atap ótti.
Reseı Federatsııasy musylmandary dinı basqarmasynyń uıytqy bolýymen osymen on besinshe ret ótip jatqan Halyqaralyq musylmandar forýmy Berlın qalasynda 11 jeltoqsanǵa deıin jalǵasady.
