BAS MÚFTI BAIaN-ÓLGEIGE BARDY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly jumys saparymen Mońǵolııanyń Baıan-Ólgeı aımaǵyna bardy.

QMDB Tóraǵasyn qala irgesinen kútip alǵan aqsaqaldar, zııaly qaýym ókilderi men jergilikti ákimshilik basshylary izgi nıetterin jetkizdi. Mońǵolııa musylman uıymdary odaǵynyń tóraǵasy Batyrbek Hadysuly Bas múftı bastaǵan delegatsııa múshelerine oń sapar tiledi. Sonymen qatar bul sapar eki eldiń rýhanı baılanysyna serpin berip, jergilikti qandastarǵa jiger syılaıtynyn erekshe atap ótti.

Bas múftı qandastardyń aqjarma tilegine rızashylyǵyn bildirip, Qazaqstan musylmandary dinı basqarmasy Baıan-Ólgeı aımaǵynyń ımamdaryn jan-jaqty qoldaý is-sharalaryn udaıy jalǵastyra beretinin atap ótti.

Aıta ketsek, Bas múftı sapar aıasynda jergilikti zııaly qaýym ókilderimen, ımamdarmen, aımaq basshysymen kezdespek.

​