Bas múftı Batys Qazaqstan oblysynyń əkimimen kezdesti (FOTO)

Búgin Qazaqstan musylmandary dinı basqarmasynyń tóraǵasy Serikbaı qajy Oraz resmı jumys saparymen Batys Qazaqstan oblysyna bardy.

Oblys ákimi Altaı Kólginov QMDB tóraǵasy Serikbaı Satybaldyulyn qabyldap, óńirdegi dinı ahýal týraly suhbattasty.

"Qurmetti Serikbaı qajy Satybaldyuly, shaqyrtýymyzdy qabyl alyp, halyqaralyq konferentsııaǵa qatysýǵa kelisimińizdi bergenińizge alǵysymdy bildiremin. Aqjaıyq óńirine qosh keldińiz. Búginde Batys Qazaqstan oblysyndaǵy dinı ahýal turaqty. Óńirimizde ımamdar belsendi qyzmet etýde. Din qyzmetkerleriniń áleýmettik máselesi tolyq sheshilgen. Qazir dəstúrli emes din jolynda júrgen azamattarǵa keshendi túsindirý sharalaryn júrgizip kelemiz", - dedi Altaı Seıdiruly.

Óz kezeginde Bas múftı Serikbaı qajy Oraz Aqjaıyq óńirindegi din qyzmetkerleriniń tolyqqandy jumys isteýine qoldaý kórsetip, olardyń əleýmettik məselesine nazar aýdaryp otyrǵan Altaı Seıdirulyna alǵysyn jetkizdi.

"Rasynda, bizdiń ortaq maqsatymyz - halyqty aǵartý, jastardy otansúıgishtikke tərbıleý, dinimiz ben dəstúrimizdi nasıhattaý, óskeleń urpaqty bizdiń dinı tanymǵa jat aǵymdardyń yqpalynan saqtaý. Osy baǵytta əkimdikpen birlesken ıgi jobalardy júzege asyra beremiz degen senimdemin", - dedi Serikbaı Satybaldyuly.

Kezdesý sońynda taraptar dinı, rýhanı saladaǵy izgi is-sharalardy birlese atqaraýǵa ýaǵdalasty.