Bas múftı baspasóz hatshylary jáne saıt jetekshilerimen suhbattasty (FOTO)

Búgin elimizdiń aqparat salasynda qyzmet etip júrgen baspasóz hatshylary men saıt jetekshilerine aqparat salasyn damytý, jetildirý maqsatynda eki kúndik semınar bastaldy. Semınarda Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz qatysýshylarǵa sáttilik tilep:

«Qoǵamdaǵy adamzat ataýlyǵa baýyrmal bolýdy, durys pen burysty ajyratyp jetkizetin sizder bolǵandyqtan, olarǵa rýhanı serpin bere bilýimiz kerek. Qoǵamda qaıshy kózqarastardyń oryn almaýyna óz tarapymyzdan septigimizdi tıgizýimiz tıis»,- dep sózin túıindedi.

Sonymen qatar, QMDB ǵalamtormen jumys sektorynyń meńgerýshisi Murat Manapuly ǵalamtor salasy boıynsha jumysty jetildirýge baǵyttalǵan QMDB-nyń arnaıy tujyrymdamasyn tanystyrdy. Al, QMBD baspasóz hatshysy Aǵabek Qonarbaıuly aqparatty taratýdyń ádis-tásilderi jóninde birqatar nusqamalar berdi. 

Semınar sońynda kóptegen usynystar aıtylyp, olardy júzege asyrýdyń joldary qarastyryldy.

​