Bas múftı Bas keńsede Senat depýtatymen kezdesti (FOTO)

Elordada Qazaqstan musylmandary dinı basqarmasynyń Bas keńsesinde Bas múftı QR Parlament Senatynyń depýtaty Sergeı Ershovpen kezdesti.

Kezdesýde ultaralyq, dinaralyq kelisim men turaqtylyqty nyǵaıtý, azamattardyń dinı senimine qurmet kórsetý, dinı tózimdilik qundylyqtaryn nasıhattaý syndy máseleler sóz boldy.

Bas múftı Serikbaı qajy Satybaldyuly Sergeı Mıhaılovıchke múftııattyń qaıyrymdylyq, halyqtyń dinı saýatyn ashý, destrýktıvti dinı aǵymdardyń teris úgit-nasıhattarynan jastardy saqtandyrý syndy birqatar jumystaryn baıandap berdi.

Óz kezeginde Senat depýtaty dinaralyq, ultaralyq kelisimdi nyǵaıtýda Qazaqstan musylmandary dinı basqarmasynyń qoǵamdaǵy orny men rólin aıryqsha atap ótti.