Bas múftı bas ımamdarmen onlaın rejımde jınalys ótkizdi (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly oblys bas ımamdarymen onlaın rejımde jınalys ótkizdi.
Jınalysqa naıb múftı Ershat Ońǵarov, QMDB Apparat basshysy Ǵylymbek Májıev, QMDB bólim meńgerýshileri qatysty.
Onlaın májiliste bıylǵy Ramazan aıynyń bastalýy men oraza aıtynyń kúnin anyqtaý, pitir sadaqasynyń jáne zekettiń mólsherin belgileý, tótenshe jaǵdaı kezinde taraýyq namazy men aýyzashar ótkizýdiń úkimin shyǵarý, karantın kezinde qaýipsizdik sharalaryn qatań saqtaý, t.b. máseleler talqylandy.
«Ramazan – ısi musylmannyń qasıetti aıy. Biz ulyq aıdy úlken daıyndyqpen qarsy alyp, ýaǵyz-nasıhat, aqparattyq túsindirý jumystaryn joǵary deńgeıde ótkizýimiz tıis. Sonymen qatar, tótenshe jaǵdaı kezinde qaýipsizdik sharalaryna asa mán berýimiz kerek» dep atap ótti QMDB Tóraǵasy Naýryzbaı qajy Taǵanuly.
Jınalys barysynda oblys bas ımamdary Bas múftıge óńirdegi dinı ahýaldy baıandap, juqpaly indettiń taralýyn aldyn alý baǵytynda jasalyp jatqan jumystar jaıly baıandap, qaıyrymdylyq sharalardyń esebin berdi.
Ramazan aıynyń bastalýy men oraza aıtynyń kúni Bas múftıdiń qatysýymen jýyrda ótetin baspasóz máslıhatynda resmı jarııalanady.
