BAS MÚFTI BAQ QYZMETKERLERIN KÁSIBI MEREKESIMEN QUTTYQTADY

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly elimizdegi jáne dinı saladaǵy jýrnalısterdi 28 maýsym – Buqaralyq aqparat quraldarynyń qyzmetkerleri kúni merekesimen quttyqtady.

«Qurmetti Buqaralyq aqparat quraldary ókilderi! Sizderdi kásibı merekelerińizben shyn júrekten quttyqtaımyn. Alla Taǵala otbasylaryńyzǵa amandyq, denderińizge saýlyq, el ıgiligi jolyndaǵy jumystaryńyzǵa bereke tileımin. Halqymyzdy birlik pen ıgilikke, izgilik pen ımandylyqqa uıytýda aqparat quraldary ókilderiniń qyzmeti aıryqsha. 

Búginde Dinı basqarma aqparat salasyndaǵy jumystaryn ýaqyt ótken saıyn jandandyryp keledi. Biz sanaýly merzim aralyǵynda múftııattyń tól telearnasy – Munara TV telearnasyn, medıa ortalyǵyn, táýlik boıy jumys isteıtin dinı aqparat berý ortalyǵyn, Munara FM radıosyn ashtyq. Búginde múftııatqa qarasty 26 saıt pen 1121 áleýmettik jelidegi paraqshalarymyz jedel aqparat taratý isinde belsendilik tanytyp keledi.  

Men osy rette bizdiń ıgi bastamalarymyzǵa aqparattyq qoldaý kórsetip, izgiliktiń jarshysy bolyp júrgen jýrnalısterge ózimniń jáne Qazaqstan musylmandary dinı basqarmasy ujymy atynan aıryqsha alǵysymdy, rııasyz rızashylyǵymdy bildiremin. Alla razy bolsyn! Merekelerińiz qutty bolsyn!» delingen QMDB Tóraǵasy Naýryzbaı qajy Taǵanulynyń quttyqtaýynda.