BAS MÚFTI BALALARDY OŃALTÝ ORTALYǴYNDA BOLYP, AITPEN QUTTYQTADY
Búgin, Qurban aıt kúni Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordadaǵy «Zeket jáne qaıyrymdylyq» qorynyń qoldaýymen ashylǵan erekshe balalardy ońaltý ortalyǵynda bolyp, ulyq merekemen quttyqtady.
«Jańa ǵasyr» dep atalatyn ortalyqta kúnine 15 bala bir saǵattan em alady. Júıke júıesiniń damýy men sóıleýi tejelgen balalardy 1-2 táýlikke qaldyrý múmkindigi de qarastyrylǵan. Ata-analardy qoldaý maqsatynda jasalǵan atalǵan joba elimizde alǵash ret qolǵan alyndy. Onda erekshe balalar kútimimen aınalysatyn mamandar qyzmet etedi. Balalarǵa arnalǵan úsh mezgil tamaq (glıýtensiz, qantsyz) jáne qajetti jabdyqtarmen qamtamasyz etilgen. Atalǵan joba «Zeket» qorynyń qoldaýymen úzbeı jalǵasyn taýyp keledi» dedi jobaǵa jaýapty Maqsatbek Qaıyrǵalıev.
Bas múftı ortalyq jumysymen tanysyp, keıin «Zeket jáne qaıyrymdylyq» qorynyń jańadan jasaqtaǵan tynyǵý bólmesin kórip shyqty. Osydan soń ortalyqta em alyp jatqan Zere búldirshinniń qazaqy dástúrge saı tusaýyn kesip, duǵa jasady. Sonymen birge ortalyqta em alýshylar men qyzmetkerlerge aıttyq syılyǵy taratyldy.
