Bas múftı «Áziret Sultan» meshitindegi tanytym rásimine qatysty (FOTO+VIDEO)
Búgin respýblıkalyq «Áziret Sultan» meshitinde jamaǵat úshin paıdasy ushan-teńiz Paıǵambar medıtsınasy jaıly syr shertetin irgeli eńbektiń tanytym rásimi bolyp, jańa kitap oqyrmanǵa jol tartty. Igi sharaǵa QMDB tóraǵasy, Bas múftı Naýryzbaı qajy Taǵanuly arnaıy qatysyp, kitap avtory Bıjan Maratulynyń qýanyshymen bólisti.
Búgingi tańda «Ál-Hıjama» klınıka ortalyǵyn ashyp, jemisti eńbek etip kele jatqanyna birneshe jyl bolǵan Bıjan Maratuly buǵan deıin osy sala boıynsha kóptegen úıretý jumystaryn uıymdastyryp, hıjama jasaýdyń túrli ádis-tásilderin zertteýmen aınalysyp kelgen bolatyn. Jumys barysynda álemniń 30-dan astam elinde tájirıbe jınaqtaǵan jas maman 13 jyldyq eńbek jolynda qol jetkizgen bilimin, alǵan tálimin oqyrman qaýymmen bólisýdi jón sanap, «Hıjama jasaýdyń jetildirilgen ádisi» kitabyn jazýǵa bel býǵan. Kóz maıyn taýysqan qıyn jumys bul kúnde artta qalyp, aqyr sońynda jaryqqa shyǵyp otyr. Úsh bólimnen turatyn aıtýly eńbek arqyly oqyrman qaýymy hıjama jasaýdyń túrli tásilderimen tanysyp, rýqııa uǵymyn jaıly mol maǵlumat ala alady. Sondaı-aq, kitap avtory adam aǵzasyna paıdasy óte orasan tabıǵı ónimder jaıly qundy aqparattardy toptastyrǵan.
Atalmysh eńbektiń qoǵam úshin qanshalyqty paıdaly ekenin atap ótken Bas múftı Bıjan Maratulyna shyǵarmashylyq tabys tilep, jumysy jemisti bolýyn tiledi. Tanytym rásimi aıasynda avtordyń anasy Hanzat Ábdimájıtqyzy aq tilegin aqtaryp, ulynyń osyndaı jolda jemisti eńbek atqarýyna yqpal jasaǵan, járdemin kórsetken el aǵalaryna alǵysyn jetkizdi.
Sýretterdi «FOTOGALEREIa» aıdarynan kóre alasyzdar!
