BAS MÚFTI ÁZIRET SULTAN MEShITINDE JUMA ÝAǴYZYN AITTY

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elordadaǵy «Áziret Sultan» meshitinde «Paıǵambarymyzdyń (oǵan Allanyń salaýaty men sálemi bolsyn) ónegeli ómiri» taqyrybynda juma ýaǵyzyn aıtty. 

«Adamzat tarıhyndaǵy eń uly tulǵalardyń biri – ardaqty paıǵambarymyz Muhammed (oǵan Allanyń salaýaty men sálemi bolsyn). Onyń ómir joly – adamzatqa týralyqty, kórkem minezdi, meıirimdilik pen keshirimdilikti, ádildik pen sabyrlylyqty úıretetin óshpes ónege. Alla Taǵala Quran Kárimde: «Shúbásiz, Alla Elshisinde sender úshin ári Allaǵa jáne aqyret kúnine úmitin artqan hám Allany kóp eske alatyndar úshin teńdessiz úlgi-ónege bar», – degen («Ahzab» súresi, 21-aıat).

Alla Elshisiniń (oǵan Allanyń salaýaty men sálemi bolsyn) árbir sózi men isinen meıirimdilik, shynshyldyq, keshirimdilik pen adamǵa degen janashyrlyqtyń kórkem kórinisin kóremiz. Ol – eń kórkem minezdiń kemel úlgisi, adamzatqa izgilik pen ádilettiń jolyn kórsetken uly tulǵa. Paıǵambarymyzdyń (oǵan Allanyń salaýaty men sálemi bolsyn) júrekterge jaqqan shyraǵy qanshama ǵasyrlar ótse de sóngen joq. Búginde de onyń ónegeli ǵumyry – jaqsylyqqa umtylǵan árbir janǵa týra jol kórsetetin máńgilik rýhanı baǵdar»,- dedi Naýryzbaı qajy Taǵanuly.

Juma namazynan keıin Bas múftı meshit jamaǵatymen birge el amandyǵy men tynyshtyǵy úshin duǵa jasady.