BAS MÚFTI «ÁZIRET SULTAN» MEShITINDE ZEKET PEN SADAQANYŃ BEREKESI JAIYNDA ÝAǴYZ AITTY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordadaǵy «Áziret Sultan» meshitinde juma ýaǵyzyn aıtyp, jamaǵatty izgilik pen qaıyrymdylyqqa úndedi.

Ýaǵyz barysynda Bas múftı «Zeket pen sadaqa berýdiń paıdasy men bereketi» taqyrybyn keńinen tarqatyp, bul qulshylyqtardyń qoǵam ómirindegi mańyzyna erekshe toqtaldy.

«Asyl dinimizde zeket pen sadaqa – qoǵamdaǵy ádilet pen meıirimdi nyǵaıtatyn uly qulshylyqtar. Bul amaldar tek materıaldyq kómek kórsetýmen shektelmeıdi. Kerisinshe, pendeniń júregin tazartatyn, nápsisin tárbıeleıtin, mal-múlkine bereke darytatyn jáne qoǵamǵa ıgilik ákeletin rýhanı tetik. Zeket – paryz, ıaǵnı belgili mólsherge jetken mal-múlikten mindetti túrde berilýi tıis ǵıbadat. Al sadaqa – erikti qulshylyq, ár adamnyń yqylasyna baılanysty jasalatyn saýapty is. Biraq ekeýiniń de túpki maqsaty ortaq – adam balasyn sarańdyqtan aryltyp, jomarttyqqa baýlý jáne qoǵamdaǵy áleýmettik tepe-teńdikti saqtaý», – dedi Bas múftı.

Источник: Aisha