Bas múftı aýyl ımamynyń qaıǵyly oqıǵasyna alańdaýshylyq bildirdi

Shyǵys Qazaqstan oblysy Kúrshim aýdany Boran aýylynyń ımamy Dáýren Saparǵalıuly men onyń eki balasynyń Qara Ertis ózenine aǵyp ketý oqıǵasy din qyzmetkerlerin de alańdatyp otyr.

Qaıǵyly habarǵa Bas múftı Serikbaı qajy Oraz alańdaýshylyq bildirdi. QMDB Tóraǵasy Serikbaı Satybaldyuly Shyǵys Qazaqstan oblysynyń ımamdaryna izdestirý sharalaryna belsendi qatysýǵa, aýyl ımamynyń otbasyna tıisti kómek kórsetýdi tapsyrdy.  

Jaǵdaı jeksenbi kúni bolǵan. Aýyl ımamynyń 8 jasar uly sýǵa túsip, qatty aǵysty ıgere almaǵan. Batyp bara jatqan balasyn kórgen 36 jastaǵy D.Halelov birden sýǵa júgiredi. Onyń sońynan 19 jastaǵy uly da ketken eken.

Kýágerlerdiń aıtýynsha, otbasy músheleriniń úsheýi de aǵysqa qarsy tura almaı, aǵyp ketipti.

Habar qutqarýshylarǵa jetip, birden izdeý sharalary bastalǵan. Imam men onyń uldaryn izdeýge aýyl turǵyndary da qatysýda. Búginde 80 adam ózen men onyń jaǵasynda izdeý jumystaryn júrgizýde.