Bas múftı Aqtóbede ótken rýhanı keshte ýaǵyz aıtty (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz Aqtóbe oblysyna barǵan jumys sapary aıasynda Óner ortalyǵynda ótken rýhanı keshke qatysty.

QMDB-nyń "Islam jəne otbasy" jyly aıasynda ótken rýhanı sharada sóz bastaǵan Bas múftı Serikbaı qajy Satybaldyuly:

"Otbasyndaǵy basty qundylyqtardyń biri - er men əıeldiń ózine qatysty mindetterdi yqylaspen oryndaýy. Januıa nəpaqasyn tabý, otbasyn baspanamen, kıim-keshekpen qamtamasyz etý, naýqastansa - emdeý, bala tərbıesi, t.b. amaldar er adamnyń moınyndaǵy mindetter. Al er azamattyń ary men abyroıyn saqtap, syry men qupııasyn qorǵaý, joldasyna moıynsuný, shańyraqtyń shattyǵyn kirgizý - áıel adamnyń mindetteri. Er men əıel bir-birine keshirimmen, meıirimmen qarasa olardyń arasyndaǵy ózara súıispenshilik pen mahabbat artady", - dedi.

Rýhanı keshte təlimi men taǵylymy mol termeler, tolǵaýlar oryndaldy. Belgili jyrshy Jəken Omarov Maılyqojanyń termelerin oryndap, jamaǵatqa jaqsy adam bolýdy jyrmen jetkizdi.

​