BAS MÚFTI AQTAÝDA MEShIT PEN MEDRESE QURYLYSYMEN TANYSTY
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mańǵystaý oblysyna barǵan saparynda Aqtaý qalasynda salynyp jatqan meshit pen medrese qurylysymen tanysty.
Bas múftı qurylys jumystary kezinde qaýipsizdik sharalaryn qatań saqtaýǵa, meshitti Qazaqstan musylmandary dinı basqarmasy bekitken erejege sáıkes, qazaqy stılde salýǵa nazar aýdardy. Sonymen qatar nysandy josparlanǵan merzimde aıaqtaý qajettigin jetkizdi. Naýryzbaı qajy Taǵanuly qulshylyq úıiniń turǵyzylýyna tikeleı demeýshilik jasap jatqan azamattarǵa aıryqsha alǵysyn bildirdi.
Aıta ketsek, jańa meshitte bir mezette 2000 adam qulshylyǵyn óteı alady. Al medresede 100 shákirttiń bilim alýyna barlyq jaǵdaı jasalǵan.
