Bas múftı Aqparat jáne qoǵamdyq damý mınıstrimen kezdesti (FOTO)
Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Aqparat jáne qoǵamdyq damý mınıstri Aıda Balaevamen kezdesti.
Kezdesýge qatysýshylar memlekettik-dinı qatynastar men ultaralyq jáne dinaralyq kelisimdi nyǵaıtý joldary týraly pikir almasty. Kezdesý barysynda meshitterdiń ashylýy, qasıetti Qadir túni men Aıt kezinde namaz oqý máseleleri talqylandy. Taraptar qaıyrymdylyqtyń zamanaýı Elektrondy ádisterin (onlaın-sadaqa) engizý tájirıbesine oń baǵa berdi, dinı bilim berý sapasyn, Ortalyq ıslam kitaphanasyn qurý múmkindigin jáne taǵy basqa taqyryptardy qozǵady.
Mınıstr QMDB-nyń qyzmetimen egjeı-tegjeıli tanysty, sondaı-aq qasıetti Ramazan aıy bıylǵy jyly koronavırýstyq ınfektsııamen kúresý kezeńimen sáıkes kelgenin atap ótti jáne dinı basqarmaǵa osy máselede kórsetilgen túsinistik úshin rızashylyq bildirdi. Óz kezeginde Bas múftı Naýryzbaı qajy Taǵanuly Qazaqstan aımaqtaryndaǵy meshitterdegi dinı rásimder kezinde qatań karantındik sharalardyq saqtalǵanyn atap ótti.
«Sizdermen Aqparat jáne qoǵamdyq damý mınıstri retinde kezdeskenime óte qýanyshtymyn. Memleket basshylyǵymen meniń aldymda dinaralyq qatynas salasynda birqatar mańyzdy mindetter qoıyldy. Qazaqstan halqynyń 70%-y ıslamnyń Hanafı mazhabyn ustanady, sondyqtan Elbasynyń parasatty saıasatynyń arqasynda biz kóptegen jyldar boıy saqtap kele jatqan dostyq qarym-qatynas pen dinaralyq jáne Etnosaralyq kelisimdi saqtaýda Qazaqstan musylmandary dinı basqarmasynyń rólin asyra baǵalamaý qıyn», - dedi mınıstr.
Sondaı-aq, kezdesý barsynda meshitterdi ashý, qasıetti Qadir túni men Aıt kezinde namaz oqý jáne basqa da birqatar máseleler talqylandy.
Kezdesýden keıin Aıda Balaeva Bas múftıdi búkil álem musylmandary úshin qasıetti Ramazan aıynyń aıaqtalýyn bildiretin jáne aǵymdaǵy jyldyń 24-mamyrynda ótetin Oraza aıt merekesimen shyn júrekten quttyqtady.
