Bas múftı apattan qaza bolǵan jannyń janazasyn shyǵardy (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz Arystaǵy áskerı bólimde bolǵan jarylystan qaza tapqan azamattyń janazasyn shyǵardy.

Shymkent qalasyndaǵy «Aq meshit» qulshylyq úıiniń aýlasynda ótken janaza rəsimine qala ákimi Ǵabıdolla Əbdirahymov, belgili jazýshy Marhabat Baıǵut jáne myńnan astam jamaǵat qatysty.

Bas múftı azamatynan aıyrylǵan otbasyna kóńil aıtyp, duǵa jasady.

Jamaǵat aldynda ýaǵyz aıtqan Serikbaı qajy Oraz:

«Otbasynyń nəpaqasyn tabý úshin jolǵa shyǵyp, jan tapsyrǵan adamnyń Alla aldynda dərejesi artady. Ajal men tótenshe jaǵdaı tótennen keletin nərse. Biz taǵdyrǵa tən bergen halyqpyz. Alla baýyrymyzdy meıirimine bólesin», - dedi.

Qazaqstan musylmandary dinı basqarmasy apattan ajal qushqan azamattyń otbasyna qarjylaı kómek kórsetti. Sonymen qatar, QMDB qyzmetkerleri Arys turǵyndaryna bir kúndik jalaqylaryn aýdardy.

​