BAS MÚFTI ALTAI IMAMDARYNA QOLDAÝ KÓRSETTI
![](/img/news/9c4a7c92b7725dfa538ee1d35e914d87.jpg)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Reseı Federatsııasynyń Altaı Respýblıkasyna baryp, Qosaǵash eldi mekenindegi jergilikti qazaqtarmen, ımamdarmen kezdesti.
«Qazaqstan musylmandary dinı basqarmasy jer betine tarydaı shashylǵan qandastarymyzǵa rýhanı turǵydan qoldaý kórsetip keledi. Osy maqsatpen Altaı Respýblıkasyna kelip, qazaq ımamdaryn shapan jáne sáldemen qamtamasyz ettik. «Muftiyat» baspasynan shyqqan kitaptarymyzdy syıǵa tarttyq. Buǵan deıin Mońǵolııadaǵy, Altaı Respýblıkasyndaǵy qazaq ımamdary Almatydaǵy Islam ınstıtýtynda bilimin shyńdady. Bul baǵyttaǵy jumystardy jalǵastyra beremiz» dedi Naýryzbaı qajy Taǵanuly.
Kezdesýden keıin Altaı Respýblıkasynyń múftıi Janbolat Oqtaýbaev QMDB Tóraǵasy Naýryzbaı qajy Taǵanulyna jergilikti qazaq ımamdarǵa kórsetken qoldaýy úshin aıryqsha alǵysyn bildirip, iltıpatyn jetkizdi.