BAS MÚFTI ALMATY ORTALYQ MEShITINDEGI AQPARATTYQ TERMINALMEN TANYSTY

Búgin Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Almaty ortalyq meshitiniń aýlasyna qala turǵyndary men týrısterge arnalǵan jańa aqparattyq kóshe termınalymen tanysty.

Zamanaýı sensorlyq termınal arqyly meshitke kelýshiler Almaty ortalyq meshiti týraly tolyq aqparatty bes tilde – qazaq, orys, aǵylshyn, qytaı jáne arab tilderinde ala alady. Sondaı-aq Ortalyq meshittiń ishki jáne syrtqy kórinisin 360 gradýs formatynda vırtýaldy túrde tamashalaýǵa múmkindik qarastyrylǵan.

Aqparattyq termınalda Qazaqstan musylmandary dinı basqarmasy men onyń negizgi qyzmet baǵyttary týraly da málimetter ornalastyrylǵan. Atap aıtqanda, QMDB-nyń «Halal Damý», «Taýaf» qajylyq kompanııasy, «Qamqor-Sharapat» salttyq qyzmet kórsetý ortalyǵy jáne ózge de qurylymdarynyń qyzmetimen tanysýǵa bolady. Sonymen qatar QMDB Almaty qalasy ókildiginiń dinı-aǵartýshylyq baǵyttaǵy Azan.kz aqparattyq portaly týraly málimet usynylǵan.

Termınaldyń taǵy bir múmkindigi – Almaty qalasyndaǵy 56 meshit týraly aqparattyń bir jerge jınaqtalýy. Qoldanýshylar sensorlyq Ekran arqyly ár meshittiń mekenjaıyn, fotosýretterin jáne qajetti málimetterin qarap, ózine kerekti meshitti ońaı taba alady.

Atalǵan aqparattyq termınal meshitke keletin otandyq jáne sheteldik qonaqtarǵa qajetti málimetti qoljetimdi ári zamanaýı formatta usynýǵa baǵyttalǵan.

Источник: Aisha