Bas múftı: Ál-farabı, Abaı oqýlaryn ótkizý kerek (foto)

Qazaqstan musylmandary dinı basqarmasynyń tóraǵasy Serikbaı qajy Oraz Elordada ótken Tóralqa májilisinde óńirlerde ál-Farabı, Abaı oqýlaryn ótkizý qajettigin sóz etti.

"Ózderińiz jaqsy bilesizder, túrki áleminiń oıshyl ǵulamalary - ál-Farabıdiń 1150, Abaı Qunanbaıulynyń 175 jyldyq mereıtoıy aıasynda elimizde ıgi ister júzege asady. Biz, din qyzmetkerleri osynaý izgi bastamany qoldaı otyryp, "Nur-Múbárak" ýnıversıtetinde, medrese-kolledjde, Islam ınstıtýtynda, qarılar ortalyǵynda, qaıyrymdylyq mekemelerinde, dinı saýat ashý kýrstarynda bilim alyp jatqan shákirtter arasynda ál-Farabı men Abaı oqýlaryn ótkizýimiz kerek. Bizdiń shákirtterimiz oıshyl-ǵulamalarymyz ben aqyn-jyraýlarymyzdyń ósıetti óleńderin jatqa bilip, ony jamaǵatqa dáripteýi tıis", - dep atap ótti.

Tóralqa májilisi jumysyna QMDB tóraǵasynyń Birinshi orynbasary Naýryzbaı qajy Taǵanuly, naıb múftı Baýyrjan Esmahan, QMDB Apparat basshysy Ǵylymbek Májıev, Bas múftı keńesshisi Baltabaı Mekejanov, bólim meńgerýshileri men oblystyń bas ımamdary qatysty.

Kezdesý sońynda Bas múftı QMDB qyzmetkerleri men ókil ımamdarǵa naqty tapsyrmalar berdi.