Bas múftı Ábsattar Derbisálimen kezdesti (FOTO)

Búgin Qazaqstan musylmandary dinı basqarmasynyń tóraǵasy Serikbaı qajy Oraz Almaty qalasynda R.B.Súleımenov atyndaǵy Shyǵystaný ınstıtýtynyń dırektory, professor Ábsattar qajy Derbisálimen kezdesti.

Kezdesýde Serikbaı qajy Oraz múftııattyń 30 jyldyq mereıtoıy aıasynda júzege asatyn 30 ıgi sharanyń josparymen tanystyrdy. Sonymen qatar, QMDB uıymdastyrýymen ótetin ál-Farabıdiń 1150, Abaıdyń 175, múftııattyń 30 jyldyq mereıtoıyna oraı josparlanǵan halyqaralyq konferentsııalardyń baǵdarlamasymen tanystyrdy.

Óz kezeginde Bas múftı Serikbaı Satybaldyuly Ábsattar qajy Derbisáliniń QMDB tizginin qolǵa alǵan jyldar dinı sala úshin órleý, aǵartý kezeńi bolǵanyn aıryqsha atap ótip, eleýli eńbegine izgi nıeti men alǵysyn jetkizdi.

Kezdesý sońynda din qaıratkerleri eldiń ıgiligi men birligi jolynda qyzmet etýdiń mańyzyna toqtalyp, ortaq sharalardy birlese júzege asyrýǵa ýaǵdalasty.