Bas múftı barsha din qyzmetkerin úzdiksiz Quran hatym oqýǵa úndedi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly elimizdegi tótenshe jaǵdaıǵa baılanysty ımam-moldalardy úzdiksiz Quran hatym oqýǵa úndedi.

«Biz – tarıhymyzdyń san qıly syndarly sátterinde úmitsizdikke berilmeı, bir Alladan medet tilegen halyqpyz. Osy rette musylman qaýymyn elimiz ben jerimizdiń, kúlli adamzattyń amandyǵy úshin duǵa jasaýǵa, Allaǵa madaq, paıǵambarǵa salaýat aıtýǵa shaqyramyn. Al barsha din qyzmetkerin Qurandy úzdiksiz hatym etip oqyp otyrýǵa úndeımin. Ýaqytsha synaqty áýeli Allanyń járdemimen, ımanymyz ben birligimizdiń arqasynda jeńip shyǵatynymyzǵa kóbirek úmit artaıyq. Alla Taǵala Otanymyzdy, halqymyzdy juqpaly indetten aman etip, óz panasynda saqtaǵaı», - dep atap ótti.