Bas meshittiń baspasóz qyzmetkerleriniń Ramazan jospary talqylandy (FOTO+VIDEO)

Búgin QMDB tóraǵasynyń birinshi orynbasary, naıb múftı, respýblıkalyq «Áziret Sultan» meshitiniń bas ımamy Naýryzbaı qajy Taǵanulynyń qatysýymen Muslim.kz portaly ujymynyń jalpy jınalysy bolyp ótti. Bas meshittiń baspasóz salasy boıynsha Ramazan aıyna jospary talqylanǵan berekeli basqosýǵa «Áziret Sultan» meshitiniń birinshi naıb ımamy Marat Bektazınov pen Nur-Cultan ókildigi boıynsha Baspasóz salasyna jaýapty naıb ımam Baqytjan Ótkelbaevtar qatysyp, medıa jospar bekitildi.

Oqyrman qaýymǵa oraza jaıly oń aqparat berip, qasıetti aıdaǵy nasıhat jumystaryn áldaqashan bastap ketken portal qyzmetkerleri alda atqarylarar mańyzdy sharalar jaıyn talqylap, jaýapty qyzmetkerler bekitildi. Ramazanǵa qatysty kóp qoıylatyn saýaldar tizimi túzilip, Elorda ımamdarynyń ǵalamtor jelisi arqyly jaýaptaryn jarııalaý kestesi quryldy. Halyqtyń orazaǵa oń nıetin oıatyp, barynsha saýapty atqarýǵa úndeıtin beınerolıkter men meshittegi ýaǵyz-nasıhat jumystaryn onlaın taratý jumystary tapsyryldy.

Budan bólek, Nur-Cultan ókildiginiń Jastar isi bólimimen birlesken is-sharalar jospary tyńdaldy. Aıta keteıik, qasıetti Ramazan aıynda Bas meshit jastarynyń atsalysýymen birneshe tyń jobalar ótetin bolmaq. Solardyń biregeıi retinde 12-mamyr kúni Nur-Sultan qalasy boıynsha «Rýhanı jastar: Ramazan kerýeni» jobasy bastalyp, elordamyzdaǵy muqtaj otbasylarǵa jol tartpaq.

Bas ımam maquldaýymen qasıetti Ramazan aıynda Bas meshittiń baspasóz qyzmetkerleri «Berekeli aýyzashar», «Ramazan mektebi», «Orazadaǵy oılar», «Jaramazan jarysy», «Sýsaǵanǵa sýsyn ber!», «Onlaın ýaǵyz» jobalaryn bastaıtyn bolady.

Sýretterdi «FOTOGALEREIa» aıdarynan kóre alasyzdar!