Bas meshitte zaǵıp jandarǵa aýyzashar berildi (FOTO)

Respýblıkalyq «Áziret Sultan» meshitindegi «Berekeli Ramazan» aýyzashar dastarhanynyń bul jolǵy qonaqtary Nur-Sultan qalasyndaǵy Zaǵıptar ortalyǵynyń shákirtteri boldy. Shákirtter dep aıtýymyzdyń da ózindik sebebi baryn kózi qaraqty oqyrmanymyz biletin bolar. Saıt jańalyqtarynda buǵan deıin birneshe márte bul ata-ájelerimizdiń Elordamyzdaǵy zaǵıp jandarǵa arnalǵan ortalyqta arabsha hat tanyp, dinı saýat ashyp kele jatqanyn jazǵan bolatynbyz.

Jer ortasynan asqan shaǵynda janarynan aırylǵan Baqytjamal Káribaıqyzynyń Braıl júıesimen oqýdy úıretip, osy ortalyqta shákirt tárbıelep kele jatqanyna búginde birneshe jyldyń júzi boldy. Jyl sanap shákirtteriniń sany kóbeıip, taǵdyrlas jandardy tabystyryp kele jatqan Zaǵıptar ortalyǵyna «Áziret Sultan» meshitiniń qamqorlyǵy men qoldaýy da qashanda kórsetilip keledi.

Berekeli dastarhan basynda ortalyq músheleri men «Áziret Sultan» meshitiniń naıb ımamy Qýat Erǵalıuly emen-jarqyn áńgime quryp, túrli taqyryptar tóńireginde suhbattasty. Ortalyq múshelerine birneshe jyldan beri jaqynnan tanys bolǵan meshit qyzmetkerine Baqytjamal Káribaıqyzy bastaǵan qurmetti qonaqtar óz alǵystaryn bildirdi.

Sýretterdi «FOTOGALEREIa» aıdarynan kóre alasyzdar!