Bas meshitte «Qaıyrymdy juma» sharasy ótti (FOTO)

Keshe, qasıetti juma kúni Nur-Sultan qalasyndaǵy respýblıkalyq «Áziret Sultan» meshitinde juma kúnine oraı arnaıy qaıyrymdylyq aktsııasy bolyp ótti. «Qaıyrymdy juma» dep qaıyrymdylyq sharasy aıasynda «Áziret Sultan» meshitiniń aýmaǵyna bekitilgen «Astana tazalyq» JShS qyzmetkerlerine et jáne azyq-túlik qory úlestirildi.

Túrli saýda uıymdarynyń sońǵy kezderi «Qara juma» degen ataý qoıyp, kúnderdiń sultany bolǵan jumanyń qutyn qashyryp kele jatqany jasyryn emes. Osy oraıda juma kúniniń qadir-qasıet ulyqtaý maqsatynda Dinı basqarma tarapynan qolǵa alynǵan «Qaıyrymdy juma» aktsııasy qazirgi tańda elimizdiń túkpir-túkpirinde jalǵasyn taýyp keledi. Igi sharaǵa belsene ún qosqan Nur-Sultan ókildiginde «Qaıyrymdy juma» aktsııasy aldyńǵy aptalarda da ótkizilgen bolatyn.

Aıta keteıik, qaıyrymdylyq sharasy aıasynda jalpy sany 30 qyzmetkerge azyq-túlik sómkesi men et berilip otyr.

Sýretterdi «FOTOGALEREIa» aıdarynan kóre alasyzdar!