Bas meshitte balýandarǵa aýyzashar berildi (FOTO)

Keshe Nur-Sultan qalasyndaǵy «Áziret Sultan» meshitiniń «Berekeli Ramazan» dastarhanyna Elordamyzdaǵy balýandarymyz shaqyryldy. Boz kilemde tórinde elimizdiń namysyn qorǵap júrgen bilekti jigitter qulshylyq ordasynda bas qosyp, bir sapta turpy qulshylyq jasady. Sportshylar qaýymyn qarsy alyp, birge aýyz ashqan meshit ustazy Maqsatbek Qaıyrǵalıev balýandarǵa rýhanı nasıhat aıtyp, qasıetti Ramazan aıyn saýapty ótkizýge úndedi.

Saıdyń tasyndaı iriktelgen sportshylar bas qosqan berekeli dastarhan basynda taǵy saýapty is oryn aldy. Respýblıkalyq «Áziret Sultan» meshitiniń uıymdastyrýymen sportshy aǵalarynyń izin jalǵastyryp, jastaıynan sportty serik etken Orynbek Nurmuhammed esimdi balaqaıǵa syılyq jasaldy. Jas sportshyǵa óz tilegin aıtyp, batasyn bergen Qazaq kúresiniń sheberi, Azııa chempıony Aıbat Seıten «6 aıǵa arnalǵan tegin abonement» tartý etti.

Sýretterdi «FOTOGALEREIa» aıdarynan kóre alasyzdar!