Bas meshitte áıel jamaǵatyna arnalǵan syrlasý saǵaty ótti (FOTO)

Búgin respýblıkalyq «Áziret Sultan» meshitinde «Inabat» qyz-kelinshekter klýby men Nur-Sultan qalasy Din máselelerin zertteý ortalyǵynyń qyzmetkerleriniń birlese uıymdastyrýymen áıel jamaǵatyna arnalǵan syrlasý saǵaty bolyp ótti. Meshit ustazdary men ortalyq qyzmetkerleriniń aqyl-keńesteri aıtylyp, áıel jamaǵatyna dástúrli Islam dininiń qundylyqtaryn jekeleı túsindirý maqsatynda qolǵa alynǵan jobanyń alǵashqy otyrysyna «Áziret Sultan» meshitiniń bas ımamy Erbolat Júsipov arnaıy qatysyp, jumystaryna sáttilik tiledi.

Sondaı-aq, Erbolat Nuryldauly qatysýshylarǵa Islam dinindegi áıel mártebesi men orny jaıly aıta kelip, otbasyndaǵy bereke men tynyshtyqtyń da tutqasy da áıelder ekenin áserli ýaǵyzymen jetkize bildi. Bas ımam nasıhatynan soń áıel jamaǵaty men ustazdar qaýymy syrlasý saǵatyn ármen jalǵastyryp, vıktroınalyq suraqtar men psıhologııalyq oıyndarǵa ulasty.