Bas meshitke jańa naıb ımam taǵaıyndaldy (FOTO)
Búgin, qasıetti juma kúni Nur-Sultan qalasyndaǵy respýblıkalyq «Áziret Sultan» meshitinde qyzmettik aýys-túıis oryn aldy. Ashylǵaly beri «Áziret Sultan» meshitinde qyzmet atqaryp kelgen naıb ımam Qýat Erǵalıulynyń Túrkııa eline oqýǵa attanýyna baılanysty shyǵaryp salý rásimi ótip, ornyna taǵaıyndalǵan naıb ımamdy jamaǵatqa tanystyrdy. Bas múftı Serikbaı qajy Oraz hazirettiń buıryǵy boıynsha Júsipov Erbolat Nuryldauly Muǵaljar aýdandyq «Nurtaı» meshitiniń bas ımamy qyzmetinen bosatylyp, «Áziret Sultan» meshitiniń naıb ımamy qyzmetine kiristi.
Jumaǵa jıylǵan jamaǵatqa QMDB tóraǵasynyń birinshi orynbasary, naıb múftı Naýryzbaı qajy Taǵanuly jańa qyzmetkerdi tanystyryp, jumysyna sáttilik tiledi. Alty jyldan astam ýaqyt boıy Óskemen qalasynda ustazdyq qyzmet atqaryp, keıinnen Aqtóbe oblysynyń Muǵaljar aýdanynda bas ımam bolyp jumys atqarǵan Erbolat Nuryldaulynyń biliktiligi men bilimi jaıly, qarym-qabileti týrasynda lebiz bildirip, jamaǵatqa qysqasha aqparat berip ótti.
Júsipov Erbolat Nuryldauly 1977 jyly 8-jeltoqsanda Qyzylorda oblysy, Qazaly aýdanynda dúnıege kelgen. Úılengen, 3 balasy bar.
1995-97 jyldary Ońtústik Qazaqstan oblysy, Saryaǵash aýdany, Yntymaq sovhozy «Taıaqty ıshan» meshiti janyndaǵy medresede dinı saýatyn ashqan.
1997-2001 jyldary Qyzylorda qalasy «Qorqyt ata atyndaǵy Qyzylorda memlekettik ýnıversıtetiniń Ekonomıka fakýltetin támamdaǵan.
2001-03 jyldary Sırııa, Damask qalasyndaǵy sheteldikterge arnalǵan arab tili ınstıtýtynyń tolyq kýrsyn aıaqtaǵan.
2012-14 jyldary «Nur Múbárak» ıslam mádenıeti nýıversıtetiniń «Dintaný» mamandyǵy boıynsha magıstratýra támamdaǵan.
2014-16 «Nur Múbárak» ıslam mádenıeti ýnıversıtetiniń «Islamtaný» mamandyǵy boıynsha magıstrlik bilim alyp shyqqan.
2006-12 jyldary ShQO, Óskemen qalasy meshitterinde ustaz bolyp qyzmet atqarǵan.
2013 jyly Mysyr elindegi ál-Azhar ýnıversıtetinde tájirıbelik jetildirý kýrsynan ótken.
2015 jyly Malaızııa Terenganý qalasyndaǵy «Sultan Zaınýl Abıdın» ýnıversıtetinde tájirıbelik jetildirý kýrsynan aıaqtaǵan.
2013-16 jyldary Almaty qalasy, Alataý aýdandyq «Zarıa Vostoka» meshitinde naıb ımam qyzmetin atqarǵan.
2016-19 jyldary Aqtóbe oblysy, Muǵaljar aýdany, «Nurtaı» Ortalyq meshitiniń bas ımamy bolyp jumys jasaǵan.
Sýretterdi «FOTOGALEREIa» aıdarynan kóre alasyzdar!
