Bas meshit ujymy IV Imamdar forýmynda qabyldanǵan qujattarmen tanysty (FOTO)

Osydan birer kún buryn Elorda tórinde «Islam – mádenıet pen izgiliktiń bastaýy» atty ımamdardyń IV respýblıkalyq onlaın-forýmy ótkeni barshamyzǵa belgili. 1000-ǵa jýyq din qyzmetkeri onlaın rejımde tamashalap, el aǵalary men zııaly qaýym músheleri, qoǵam qaıratkerleri arnaıy qatysqan alqaly jıyn barysynda «As berý mádenıeti», «Zırat jáne zııarat mádenıeti», «Zııatker ımam» qujattary qabyldanǵan bolatyn.

Halyq arasynda oryndalatyn dinı rásimderdi birizdilikke keltirip, zııatker ımamnyń kelbetin qalyptastyrýǵa baǵyttalǵan bul qujattardyń qoǵam berekesin arttyryp, alǵa jeteleı túseri sózsiz. Ysyrapshyldyq pen maqtanqumarlyqtan tyıyp, sharıǵat talaptaryna saı as berý, zırat kóterý, zııarat jasaý mádenıetin qalyptastyrýdaǵy basty qaǵıdalardy qamtyǵan bul qujattardyń din qyzmetkerlerine de tıgizer kómegi kóp bolmaq.

Osy oraıda búgin Nur-Sultan qalasynyń bas ımamy Erbolat Júsipovtiń bastamasymen respýblıkalyq «Áziret Sultan» meshitiniń ujymy boıynsha atalmysh qujattarmen tanysý jumystary bolyp ótti. Bas meshit qyzmetkerleri atalmysh qujattarmen jekeleı tanysyp, ondaǵy kórsetilgen qaǵıdalar men talaptarǵa qatysty ortaq oı qorytty. Bas ımam Erbolat Júsipov atalmysh qujattar boıynsha naqty tapsyrmalar júktep, jyldyq jospar aıasynda jańa jobalar bekitildi.

Sondaı-aq, Bas ımam atalmysh úsh qujat boıynsha aldaǵy ýaqytta ókildik jınalysy aıasynda Elorda meshitteriniń qyzmetkerlerimen birge talqylaý jumystaryn uıymdastyrýdy tapsyrdy.

Sýretterdi «FOTOGALEREIa» aıdarynan kóre alasyzdar!